حمار زهق من اسمو شوفوا شو سوا؟؟؟
كانت كل الحيوانات عايشة بهل غابة كلها سعيدة ومرتاحة الا هل حمار دايما متنكد
كل ما حد بناديله حمار كان يعصب ويزعل فيوم من الايام راح ع الملك والملك متل ما بتعرفو هو الاسد
الملك: مرحبا يا حمار ؟! تفضل اقعد
الحمار: (معصب ) ومش شايف حد كدامو: حتى انت ياملك؟
الملك: شو مالك؟ ليش عصبت ؟ هو انا حكيت اشي غلط؟
الحمار: الصراحة ومن الاخر وبلا مقدمات انا بدي اغير اسمي؟
الملك: وليش بدك تغير اسمك؟
الحمار: الكل بيحكي عني اني جاهل واحمق وقال شو قال انا اغبى واحد بالغابة
الملك: طيب وشو يعني ما هو انت اغبى واحد عنجد
الحمار: لا لا انا ذكي
الملك: طيب خلص بس بدون ما تعصب بدي اختبر ذكائك واذا نجحت بدي اغير اسمك ل حصان
الحمار: بتحكي جد يا كبير الله يخليلنا اياك الله يطول في عمرك الله يخليلك ولادك
هيوتني انا مستعد وجاهز اختبرني زي ما بدك
الملك: اذا استعد للسؤال الاول؟
بدي اياك تروح ع بيتي وتسأل عني ...وتشوف انا بالبيت او لاء؟
الحمار: قاعد بيجري بسرعة وهو عم يجري قاعد بيحكي هيوتني رايح اسأل وأجيك بالجواب بسرعة(مبسوط ع حالو)
هلكيت لحمار رجع
الحمار: سيدي سألت عنك...حكولي ولادك انك مش موجود
الملك: ولك مش حكيتلك انك غبي... شو عم تتخوث يعني كيف بدي اكون بالبيت وانا قدام عينيك؟!
الحمار(بعيط): انت حكيتلي انا شو خصني؟ّ!
الملك: حكيتلك علشان اختبر ذكائك
الحمار: طيب هات من الاخر... بدك تغيرلي اسمي ولا لاء؟؟
الملك: طبعا...رح تصير احمر حمار بالغابة
الحمار رجع ع البيت وهو عم يعيط
هلكيت هو بالبيت
الحمار الاب: له له له شو مالك ولك ما عاش مين بزعلك
الحمار الابن: رحت ع الملك وحكيتلو يغيرلي اسمي لان الكل بحكيلي الحمار الغبي اجا لحمار الغبي راح والصراحة انا كرفت
الحمار الاب: طيب وشو صار؟ غيرلك اسمك؟
الحمار الابن: اه ... صار اسمي احمر حمار؟!
الحمار الاب: وليش بس؟
الحمار الابن: حكالي الملك اروح ع بيتو وأسأل عنو ...رحت بسرعة وسألت عنو ولما ارجعت حكيتلو انو مش بالبيت؟ فحكالي انت حمار
الحمار الاب: عنجد انك احمر الحمير ... ولك لوكتيش بدي اضلني اعلم فيك؟
الحمار الابن: ليش يابا؟!
الحمار الاب: ليش ما رنيت عليه بالتلفون وسألت عنو ؟؟؟ انت اصلا ليش رحت ع بيتو؟؟؟
الحمار الابن: ييييييي والله نسيت...اااااااااااااه ضيعت فرصة العمر
الحمار الاب: بعد شو يا ابن الحمار ؟ بعد ما شوهت سمعتنا وخليتها بالارض؟! اتفووو عليك عمرك ما بتصير زلمة؟!
الخميس يناير 22, 2009 2:18 pm
