في قاعدة بتقول ...*الانطباع الأول يدوم*..
يعني الفكرة
اللي بوخدها عنك ابو شنب الي بيجي في اول لقاء
رح يترتب عليها شغلاات كتير...ونفس الشي بالنسبة لام شفايف
الفكرة الي بتاخديها عنه لاول مرة رح يترتب عليها شغلات كتيرة ...
لازم ام شفايف تكون فصحة وتقدر بأسلوها وذكائها وجمالها
تترك انطباع كويس عنك عند ابو شنب
لو ما صحلك نصيب
طبعا رح تسألي نفسك وتقولي كيف
رح اعمل هيك ....مش عارفة شو رح اعمل
وحاسة إني رح لخبط الدنيا
وبتصل بصاحباتي وكل واحدة بتضحك عليّ
ومحدش حكالي كلمة مفيدة أقدر أستفيد بيها
ما تخافي انا موجود
انا رح امشي معك هلأ خطوة خطوة
ورح احكيلك يا ام شفايف شو تعملي
ندخل بالمووضوع
يلا play
*******
1-الخطوة الأولى
جهزي حالك نفسياً ومظهرياً
عشان ما تتعبي حالك وأعصابك على الفاضي ياريت تشيلي من راسك فكرة
إنك بضاعة جاي العريس يتفرج عليها ..لأن هاي معلومه مش
صح وحطي في راسك إنو هاد جاي يتعرف على البنت اللي ممكن تكون شريكة حياته
وإنو هادا شي مش عيب وما فيها أي تقليل من شأنك وقيمتك
2- حاولي على قد ما تقدري تخلّي أعصابك هادية جدا ..
وتبعدي عن القلق أو التوتر..
علشان يمكن التوتر يبين على وجهك
واحنا ما بدنا هيك ..
احنا بدنا عروس فلة
زي القمر ..
وياريت كمان قبل الموعد تاخدي دش دافئ
3-وبعد هيك ادخلي غرفتك وابدأي اختاري بملابسك..
وعلى فكرة النقطة هاي بتحير بنات كتيييير
لأنهم بحتاورا يلبسوا كلاسيك شغل موضه ولا لبس عادي..
بس بيني وبينك أول مرة لازم تلبسي لبسك العادي
اللي انتي بتلبسيه وانتي طالعه ع مناسبة او مشور مهم .. شي متل هيك يعني ..
يعني لو كنت بتلبسي بنطلون وبلوزة البسيهم عادي... بس ياريت البنطلون يكون قماش مش جينز ..
دوري ع الشي الراكز علشان يشوفك على طبيعتك
في اللبس
وبلاش مشروع إنك تلبسي بدلة لأنها بتخلي الشي رسمي ويمكن كمان تبينك اكبر من عمرك
واوعي تنسي تختاري الألوان اللي تكون مناسبة عليكي والي بتفتح وجهك
4-وبما انه اللقاء رح يكون في البيت ...ما تلبسي كعب عالي
انا مش حاكي ما تلبسي كعب بتاتا…البسي بس يكون كعب خفيف
انتي فاهمه علي؟؟
5-وفي هاد اليوم ما تدهني حالك وما تكتري مكياااج .. وخليك بسيطة وناعمه جدا
في مكياجك يعني بكفي انك ترسمي عينيك بالكحل
وتحطي ماسكرا وما بلزم البودرا الحمراا
ع الخدود ...
لانه طبيعي جداً انه وجهك رح يصير احمر في هاد اليوم
فما رح تحتاجي لأحمر الخدود لانه رح يكون موجود طبيعي
6-خليكي متفائلة وتوقعي الخير علشان تلاقيه خير وتوكلي على الله وخلي أمرك إله،
وادعي ربنا يوفقك في اللي فيه خير ليكي
وبتوقع انو ازا عرفتي هاي الشغلات واللوازم اللي حكيتها فوق
رح تكوني هيك استعديتي للمقابلة
تعالي جاي
ام شفايف شوفي شو الي لازم تعمليه بهاي
(المقابلة )
......
الخطوة التانية
وقت الماقبلة
1-ما بلزم لما تدخليتحملي صينيه عصير للي موجودين والضيوف
لأنه ممكن توقع منايديك على اللي قاعدين..
وبكفي إنك تدخلي بابتسامة بسيطة على شفايفك وتسلمي على كل اللي
موجودين وعليه هو كمان بالذات..
واقعدي وخليك شاطرة واختاري إنك تقعدي في الكرسي اللي يكون مواجه اله عشان
تقدري تشوفيه كويس لأن هاد حقك الطبيعي الشرعي
وخليكي واثقة من نفسك وخدي الموضوع ببساطة علشان يمر طبيعي
2-وازا امه اجت معه خدي بالك منها وما تكشّري في وجها وهي قاعدة..
خليكي مبتسمة ليها دايما حتى لو حكت شي مش عاجبك ...
مش تروحي ضاربتيها شلوط
كف واحد بكفي ما تشدي عليها كتير
وكمان اوعي تردي عليها رد مش مناسب
تروحي حاكيتلها ما دخلك
يلعني احكيلها شو خصك بمشي الحال
واحكي معها عادي وحاولي تكسبي رضاها
وخليكي ذكية وفكري في كل كلمة قبل ماتقوليها
3-وأنت قاعدة اتكلمي براحتك من غير تكلف وافتحي مجالات للكلام
واسمعيه كويس وهو بخر عشان تقدري تحكمي عليه
4-ازا في شي ضحكك الموجودين
ماتضحكي ضحك بصوت عالي أو ضحك هستيري
بكفي ابتسامة بسيطة على شفايفك(عريظه)
5-خليكي جريئة ولو وجه لك الكلام ردي عليه بذوق من غير خجل
*******
وخدي بالك من هدول الشغلات
1-لو سمحت الظروف وقعدتوا مع بعض ياريت تتكلمي معاه في أمور عادية جدا..
زي مثلا البرامج اللي بتعجبك في التليفزيون
أو عن شي تكون حصلت قريب وشدت انتباهك
وابعدي عن الكلام في أي مواضيع تكون
مسار جدل
ولو تطور الكلام بينكم لأي مواضيع فيها جدل
خليكي ذكية وما بلزم يكون عندك تحيز
في الرأي
يعني بكفي ازا ما ردش عليكي كفين وضلك مروحه
واسمعي منه وابدي رأيك بأسلوب لطيف من غير ما تحرجي نفسك أو تحرجيه
واوعي في أول كلام بينكم تسأليه أي أسئلة شخصية
أو أسئلة محرجة زي مثلا إنك تسأليه
إذا كان خاطب قبل هيك ولا لأ ...
لأن الأسئلة الي من النوع هاد ما بنفع تسأليها في أول مقابلة
2-لو كانت المقابلة في مكان عام زي مثلا كافيه أو بوجود مناسبة...
حاولي انك تقللي من نظراتك حول الأشخاص الموجودين في هداك المكان
وركزي في الشخص نفسه...
بس اطلعي علي بجمبو وخلص
*******
الخطوة الثالثة...
بعد ما تخلص المقابله
بعد ما يمشوا لازم تقعدي مع مامتك وتحكيلها شو صار
بينكم وتفكري انتي وياها كويس
وشوفي شو قدرتي تستنتجي من هاي المقابلة...
لأن فيه اشياء حتى لو بسيطة رح تكون
بينت قدامكو
ولو مش قادرة تحكمي كويس اطلبي لقاء تاني عشان تقدري تحكمي على أساس صح..
******
انـــتشــرو
والله يوفقك يا ام شفايف
تحياتي واحترااامي،،
الأحد يناير 18, 2009 2:40 pm
*********مشكوره همس ..........